Brauð & Co
Braud & Co.jpg
 

BRAUÐ & CO

 

HÉR ER BAKARI SEM GERIR BRAUРOG ÞÚ BORÐAR ÞAÐ MEРSMJÖRI!

Brauð og co er súrdeigsbakarí sem leggur áherslu á hágæða hráefni og íslenskt sé þess kostur. Fegurðin felst í heiðarleikanum; allt fer fram fyrir opnum dyrum og gestir og gangandi geta fylgst með ferlinu, spurt bakarana sjálfa út í það sem fram fer og forvitnast um hráefni og uppruna þeirra. Þó að innihaldið sé blanda af fjölmörgum tegundum korna; framandi og þekktum er einfaldleikinn allsráðandi. 

 

 
Braud & Co_1.jpg
 

ÁGÚST EINÞÓRSSON

BAKARI

Á undanförnum árum hefur Gústi starfað hjá helstu súrdeigsbakaríum Kaupmannahafnar en þar er lögð rík áhersla á gæði hráefna og einfalda en fallega framsetningu. það hefur hann tileinkað sér í starfi.

Þó að Gústi kjósi að flækja hlutina ekki um of er hann sannarlega fær um fínhreyfingarnar enda fullnuma Konditori meistari. 

Hann kærir sig þó lítið um krúttlegar köku-skreytingar en leggur þeim mun meiri áherslu á gæði, innihald og bragð. Það má því segja að hann sameini nákvæmni konditorsins og grófan stíl víkingsins og útkoman sé svo þessi hláturmildi og vinalegi bakari.

 
Braud & Co_24.jpg